kamitkarukera

            Mi dézyèm tou a léléksyon a prézidan fransé 2007 pran fen. Sèl biten i maké léspri an mwen an pawol a prémiyé diskou a tala près 55% a moun ka voté voté ba-y
la (Nico "tonton" Sarko pou lé zentim), sé ké misyé-la pèrmèt li dé di konsa :

- "Je vais en finir avec la repentance qui est une forme de haine de soi, et la concurence des mémoires qui nourrit la haine des autres"

            Lè-w pa (ou mal) informé pawol lasa pé pa ka chouboulé-w. Mé lè léspri aw filé, ka-w ka tann? Ouka tann ké brann nyou prézidan a la Frans désidé limé difé anlè
sa ika travay pou pèp NèG é pèp Frans ouvé zyé ayo anlè listwa ay èvè lonè é réspé pou sa y soufè anba men a LésklavaJ, Razya Négriè, Kolonizasyon é Néo Kolonyalizm Ka Kontinyé jis alè.

            Mé kan mèm sa an byen kontan, pas lé-y ké mèt sa rèd si nou é kraché pi fô ankô si djèl an nou pétèt Nèg an Frans, Nèg Gwadloup, Nèg Matnik, Nèg Giyann, Nèg la
Réinyon ké pran konsyans ké biten vinn bandé. Fodé kan mèm moun sav apa prémyé fwa misyé lasa montré mépri ini pou listwa,mémwa é lonè a Nèg é pou limanité osi.

Bizen pi niouz anlè sa?

tchèk lyann-la : africamaat.com