Ka-y Blog LasA

 

FrèchmaN ParèT

liste complète

 

Sé Dènyé Kom-La

 

KaTégoRi

 

Fè-y Touné

Cliquez ici pour recommander ce blog

 

Kalandriyé

Août 2008
L M M J V S D
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
             
<< < > >>

 

Séla Ké Baw-li Osi

 

Fè Ta-w Osi

Créez votre blog gratuit

 

Ka-w Bizen

 

Mercredi 19 septembre 2007

KoKo TonBé....

                On sPéSyal Pou TouSéLa i Enmé NiouZ KoKo TonBé* Anlè Karayib-la é Anlè LafriK, anka Ba  ZoT dé LyanN Pou Fè Kchè a Zot KonTaN :

                NiouZ KoKo TonBé an KarayiB-La

                NiouZ KoKo Tonbé si KonTinan-La

                Alè-La Zo An Dwa TchenN ZoT o KouRaN Pa Zo MenM....

*Tansyon a ZoT, On NiouZ KoKo Tonbé Toujou Ni Po a KoKo-La anlè-y. Fo Zo Sa Tiré-y Pou Manjé NannaN a NiouZ-La.
par Wong Kem publié dans : NèG NiouZ
ajouter un commentaire commentaires (0)   
Dimanche 23 septembre 2007

KarayiB-La 5

TouJou Adan Sé LiLèT AnBa Van-La, Mi alè Nou Ka AnTré  An sé LiLèT Vénézyèla-la.

Las Avès, Los Rokès, Orchila, totiga, Blankila, Mawgrita (Las Avès, Los Roques, Orchila, La Tortuga, Blanquila, Marguerita)

Tay : 342 km²

Popilasyon : 2 245 Moun (An LaLiwonN asa)

DansiTé : 7 Moun Pa km²

LanMoné : Boliva

LenDikatiF : +58

Domèn EntèwNèT : .ve

Lang : éspanyol

KapitaL : KaraKaS

SiTiyaSyoN JéograFiK :  An ka Chèché TouJou ( TouT sé LiLèT-la Réparti Adan on RéKtanG a 432 km Londjè é 200 km Lajè O LaJ a Vénézyèla, PwenT Now WèS AnviwoN 12° Now  67°30 Wès -Las AvèS-, Pwent SiD èS AnviwoN10°50' Now 63°30' Wès -Mawgrita- )
par Wong Kem publié dans : KaRayiB-La
ajouter un commentaire commentaires (0)   
Dimanche 23 septembre 2007

PawoL PéYi 13

                LonTaN Zo PaTé Vwè-y, Mé Zo TéKa SanTi-y, PawoL Péyi-La Sé Pou TouT MouN o ZantI...
Chyen PaKa Fè ChaT
                Zo Ja KonnèT...
par Wong Kem publié dans : PawoL PéYi
ajouter un commentaire commentaires (0)   
Mardi 16 octobre 2007

ZaFè a KlordéKonN-La

Mi On ArtiK a DjéouTiméSoU (On DoT RéyèL Môso Fè Ka TRavay Pou DouBouT a PèP An Nou), Pou kchenn ZoT Enfowmé anlè ZaFè a KlordékonN-la...

Artik : ZaFè a KlordékonN-La
MaKè : DjéouTiMésoU

Fos PeP-La.

                An Ka Kwre zo TouT KonneT sa yo Ka krié " la chlordecone". Fo Zo Sav se on PesTisiD ki  toksik on lo on lo Tou bonman. Mé a pa pou di Sé KonyéLa yo vin SaV Sa, Sé dépi Lanné 76 yo sav sa, Padavwa Té ni on bab ki FèT "les USA" ki Fè Sé BouT yo BouT èvè sa on fwa on fwa.
DélamenM Ki jan Fè Lafwans Ba otorizasyon dèyè otorizasyon Pou sèvi é klordekon tandi tan?
Pou éskizé kô a yo yo ka KouMansé di-w kon sa ToksisiTé-la a prodwi-la sa po o Prouvé.

                I ni on BiteN Ka ékzisté Sé prensip a prékosyon, Ki vé di si on BiteN pé ToksiK MenM si ou pa SèteN, ou ka PoTé mannèv pou pon moun pa MéTé yo Ka sèvi èvè-y. Mé an Ka RouBa ZoT-Li, Yo pa Ka sèvi èvè-y dépi 76 "les USA" pas Yo té Ka Twouvé-y Danjéré !!!

 Lafwans Pé Pa Di i Pa Té SaV.
Ki fè Jodi jou Madinina e KaruKéRa polyé Pa FoT Ay.
Ki Tè-La ki Dlo-La....Ki MouN MaTiniK Ki MouN GwadLoup 
 
 KonnéSanS Sé on FôS é Sé FôS Ka PoTé Fôs
chlordecone.jpg
EsTrikTi Molékilè a KloréDéKonN
par Wong Kem publié dans : NèG NiouZ
ajouter un commentaire commentaires (0)   
Mercredi 17 octobre 2007

PawoL Péyi 14

                Pa Pran, ri Pa KouRi, Mi Pawol Péyi Vini Ba-w Zouti...
LanMizè Fè MakaK Manjé Piman
            Pa Pè Brilé Lang a ZoT an Sé KoM-La.
par Wong Kem publié dans : PawoL PéYi
ajouter un commentaire commentaires (0)   
Mardi 23 octobre 2007

KarayiB-La 6

Mi nou Ka rivé An PwenT Sid èS a LawK Antiyé èvè on DouB LiLèT TRè Konu...

TrinidaD é TobagOTrinidad.jpg

Tay : 5 128 km²

Popilasyon : 1 104 209 MouN

Dansité : 215 Moun pa km²

LanMoné : Dola a Trindad é Tobago

LenDikatiF : + 1-868

DomèN EnTèwNèT : .tt

Lang : Anglé

KapitaL : PorT of SpaiN                                                                                              Trinidad
SiTiyaSyoN JéoGraFiK :  11° Now, 61° SiD
Tobago.jpg


                                                                     


















                                                                                                                        Tobago
par Wong Kem publié dans : KaRayiB-La
ajouter un commentaire commentaires (0)   
Mardi 20 novembre 2007

Manipilasyon MédyatiK

                Yééééééé moun la!! Iyè oswa an tonbé  si on lémisyon non ay sé "complément d'enquête". An Ka palé zot dè-y Padavwa niméwo a iyè swa-la sé on bèl ézanp  an sa  yo Ka Kriyé Manipilasyon MédyatiK.

                Tèm ala sété lé diféran fôm a "Ghetto" jodijou an FranS. an suiv  sé dé prémiyé-la anlè Neuilly é sé ti boug-la Ka SkwaTé Gare du Nord Tou Lé jou.

                Sa i Maké mwen sé Ké Pou Neuilly, ké yo prézanTé Kon "Ghetto" a MouN RicH, RépowTaj-la té ka apiyé-y anlè travo à dé chèchè an SosyoloJi kité Ka Di-w Konsa ké lé FèT Kè MouN Ka sanblé de PréféranS èvè dé MouN Ka Sanm Yo Kèlékéswa sa ika raproché yo, sé on bon Biten ki Sen, menm si dé zéfé NégatiF pé rivé. Sa yo oubiyé présizé-w adan Tousa mé ki té byen Vizib a lékran sé ké té ni yenki BlaN.

                LoT KoTé an répotaj anlè bann gare du nord-la yo montré-w konsa, sé Ti bway-la Ka soti anba on sité Torcy ki Répité antan ké Kartyé a NèG. Sé anlè rapô a lé R.G. yo apiyé yo pou dévlopé argiman ayo kom kwa sé KaliTé bann lasa ka regroupé anlè dé KriTè éTniK é ké sé on BiTeN ki pé divini danjéré Pou Linité a NasyoN Fransé. Sa yo oubiyé di adan Tala séké sé adan on KaTiyé a moun Démini sé jènn-la Ka SoTi.

                Anka pansé apa mwen tousèl saka choké dé vwa ké an katiyé a BlaN RicH la référans-la sé Dé sosyolog, é an katiyé a sé NèG maléré-la sé lé R.G. ka fè Sosyolog. Sa lé di, Sanblé a BlaN ricH-la ka Rélévé dé létiD sosyolojiK mé ta NèG maléré-la ka Rélévé dé on problèm a Sékirité Entèryè.

                O Final Ka nou Ka konstaté? SenplémaN Si Nou Ka KouTé yo, Nou Ka vwè ké Lè dé BlaN ka sanblé ant yo sé padavwa yo rich, Tousa Ka rézimé, konsèrnan sé MouN lasa, a on zafè a kondisyon sosyal é KilTi a DiskrésyoN (On KésyoN a VaLè Kwa), é lè NèG Ka sanblé ant yo sé yenki padavwa po ayo Nwè, Fo-w kwè sé sèl biTeN ipé Fè NèG sanblé PéTèT, KondisyoN sosyal é KilTi ayo, PoliTiK IrbèN, PoliTiK a LédikasyoN, PoliTiK Neo KolonyaLiS (adan TouT ès Koloni ayo), PoliTiK a LimigraSyoN a LafranS dépi Tandi tan, Tousa pa dwèt ni ayen a vwè adan sa menm.

Pa pè Lagé On Kom...

               Mi on Ti BonuS Ba ZoT: On entèrvyou yo fè pou émisyon-La, Mé yo évité pasé-y a lantèn ay vwè sa Zo ké KonpranN PouKwA : Tchèk LyanN-La
par Wong Kem publié dans : NèG NiouZ
ajouter un commentaire commentaires (0)   
Créer un blog sur over-blog.com - Contact - C.G.U. - Rémunération en droits d'auteur avec TF1 Network - Signaler un abus